Улс төр


Ц.Ганзориг: Залуусын фитнесийн хоёр сарын төлбөрийн төр даана гэдэг худал

1 сар, 1 долоо хоног TIMES.MN

Засгийн газраас COVID-19-ийн эсрэг иргэдийн амьжиргаа, эдийн засаг, бизнесийг дэмжих чиглэлээр авч хэрэгжүүлэх хариу арга хэмжээний 10 их наяд төгрөгийн төлөвлөгөөг хэрэгжүүлэхээр болсон. Энэ төлөвлөгөөнд багтсан 500 тэрбум төгрөгөөр залуусын фитнест явах хоёр сарын төлбөрийг төрөөс даахаар болсон гэх мэдээлэл олон нийтийн сүлжээнд тархсан. Үүнд Засгийн газрын Хэвлэл мэдээлэл олон нийттэй харилцах газрын дарга Ц.Ганзориг тайлбар өглөө. 

Тэрээр "Эдийн засгийг дэмжих 10 их наяд төгрөгийн хөтөлбөрөөс залуусыг фитнест явуулахад 500 тэрбум төгрөг зарцуулна гэдэг худал. Зарим хүмүүс фитнесийн хоёр сарын төлбөрийг төрөөс даана гэж ойлгосон бололтой. Энэ мөнгийг залуусыг ажлын байранд бэлтгэхэд зарцуулна. Хөдөлмөр, нийгмийн хамгааллын яам бэлтгэл ажлыг хангаж байгаа. Залууст богино хугацаанд мэргэшил олгоод, цалин өгөх бодлого юм. Өөрөөр хэлбэл, ажилгүй байгаа залуусыг хоёр сарын хугацаатай багц сургалтад суулгаж, мэргэшил олгож, ажлын байранд бэлдээд нэг сая төгрөгийн урамшуулал олгоно" гэв. 




Холбоотой мэдээлэл