Эдийн засаг


Б.Лхагвасүрэн: Монгол улс саарал жагсаалтаас хасагдах нөхцөлөө хангалаа

1 сар, 2 долоо хоног TIMES.MN

Санхүүгийн хориг арга хэмжээ авах байгууллага болох FATF-ын саарал жагсаалтаас гарах ажлын хэсэг хэвлэлийн бага хурал хийж байна.

Сангийн сайд Ч.Хүрэлбаатар:

Монгол Улсыг саарал жагсаалтад оруулсан зургаан асуудлыг шийдвэрлэж чадлаа. Ажлын хэсэг үлдсэн гурван даалгавараа өчигдөр хамгаалсан. Үүнтэй холбоотой FATF-ийн нарийн бичгийн дарга нарын газар дүгнэлтээ ирүүлсэн байна. Тус тайланд Монгол Улс гэрийн даалгавраа амжилттай хамгаалсан гэсэн дүгнэлт гарлаа. Үүнтэй холбоотойгоор FATF манай улсад ирж шалгалт хийх ёстой байсан ч Covid-19-тэй холбоотойгоор хойшлогдож байна.

Монголбанкны ерөнхийлөгч Б.Лхагвасүрэн:

FATF-ийн саарал жагсаалтад орж, зургаан үүрэг даалгаврыг 2019 оны аравдугаар сард авч, 2020 оны тавдугаар сар хүртэл долоон сарын хугацаанд нэг баг болж, амжилттай даалгавраа хамгааллаа. Монгол Улс FATF-ийн өмнө даалгавраа амжилттай биелүүлж, саарал жагсаалтаас гарах нөхцөлөө хангалаа.




Холбоотой мэдээлэл