Ахмад шатарчин Л.Мягмарсүрэн FIDE-гийн тэтгэлэгт шалгарлаа

1 сар, 3 долоо хоног TIMES.MN

Дэлхийн шатрын холбоо (FIDE)-ноос шатрын ахмад зүтгэлтнүүдийг дэмжих 35 мянган еврогийн төсөвтэй хөтөлбөр зарласан байна.

 

Монголын шатрын холбооноос уг хөтөлбөрт 10 ахмадыг шатарчин, дасгалжуулагч, бодлого зохиомж төрөлд нэр дэвшүүлж явуулснаас шатрын спортын Монгол Улсын анхны гавьяат тамирчин, олон улсын мастер Л.Мягмарсүрэн шилдэг тамирчнаар шалгарч тэтгэлэг авахаар болов.

 

Дэлхийн шатрын холбооны удирдлага шатрын спортод бүхий л насаа зориулсан шатрын 65-аас дээш насны ахмад зүтгэлтнүүдэд зориулах тэтгэлэгт хөтөлбөрийг дөрвөн тивийн 16 орны 17 ахмад шатарчин, дасгалжуулагч, шүүгч, шатрыг хөгжүүлэгчдэд хүртээхээр шийдвэрлэжээ. Дэлхийн шатрын холбооноос гаргасан нийтлэлд тэтгэлэг хүртэж буй хүмүүс нь зөвхөн санхүүгийн дэмжлэг аваад зогсохгүй шатрын спортод зориулсан сэтгэл зүрх, оруулсан хувь нэмэр, гайхамшигтай амжилт нь шатрын их гэр бүлд дуу нэгтэйгээр албан ёсоор хүлээн зөвшөөрөгдөх эрхтэй хэмээн дурдсан байна.




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.


Зочин    1 сар, 3 долоо хоног [64.119.17.72]


Мягмарсүрэн гуайдаа баяр хүргэе Монголын шатарчдын оргилын нэг урт наслаж удаан жаргаарай.