Нийгэм


Тусгай үүргийн онгоцоор ирсэн иргэдийн тусгаарлах хугацааг 7 хоногоор сунгалаа

2 өдөр, 7 цаг TIMES.MN

Улсын Онцгой комиссын ээлжит хуралдаанаар иргэдийг тусгаарлах хугацааг сунгах эсэх асуудлыг хэлэллээ. Эрүүл мэндийн яамнаас тусгаарлах хугацааг 21-28 сунгах санал ирсэн бөгөөд өмнө нь тусгай нислэгээр ирсэн 1000 орчим иргэнийг дахин 7 хоног тусгаарлахаар боллоо.

Үүнтэй холбоотойгоор дөрөвдүгээр сард хийхээр төлөвлөсөн Сөүл, Токиогийн нислэгийн нэгийг цуцлахаар болсон байна. Үүнээс гадна иргэдийг нэг нэгээр нь өрөөнд байлгахаар болж байгаа юм. Ингэснээр хувийн зочид буудлуудыг хуулийн хүрээнд дайчилгаанд хамруулах нөхцөл байдал үүсээд байгаа гэв.

Хугацааг сунгасантай холбоотой иргэдээс 7 хоногийн төлбөрийг Засгийн газрын нөөц сангаас гаргахаар боллоо. Өөрөөр хэлбэл таван удаагийн тусгай нислэгээр ирсэн 1000 орчим иргэн дахиж тусгаарлах байрны төлбөр төлөхгүй юм байна.




Холбоотой мэдээлэл