Нийгэм


Завхан Сонгино сумаас коронавирусийн сэжигтэй тохиолдол илэрчээ

1 сар, 3 долоо хоног TIMES.MN

Завханы Сонгино суманд шинэ коронавирусний сэжигтэй тохиолдол байж болзошгүй дуудлага ирсэнтэй холбогдуулан аймгийн Онцгой комисс өчигдөр хуралджээ.

Сонгино суманд долоон настай хүүхэд өндөр халуурсан гэсэн дуудлага 02-р сарын 14-ний 12.18 цагт аймгийн Эрүүл мэндийн газарт ирсэн байна. Дуудлагын дагуу аймгийн Эрүүл мэндийн газрын даргын 2020 оны А/02 тоот “Халдварт өвчний голомтод ажиллах багийн бүрэлдэхүүн томилох тухай” тушаал гарч зургаан хүний бүрэлдэхүүнтэй баг 13.30 цагт Сонгино сум руу хөдөлж шаардлагатай тусламж үйлчилгээг газар дээр нь үзүүлжээ.

Нэгдүгээр хавьтлын 11 иргэнийг шинжилгээнд хамруулахад биеийн байдал хэвийн байна. Одоогоор 15 иргэнийг тусгаарлаж, шинжилгээний сорьцыг ХӨСҮТ-д рүү хүргүүлэхээр явуулжээ.

Шинжилгээний хариу гарах хүртэлх хугацаанд Сонгино сумын иргэдийг тусгаарлах, суманд ариутгал халдваргүйжүүлэлтийн ажлыг зохион байгуулах, хөл хорио тогтоох шийдвэрийг гаргасан байна. Тус сумаар дайран өнгөрдөг Увс, Улаанбаатар чиглэлийн зорчигч тээврийн автобус болон, хөдөлгөөнд оролцож буй автомашинуудыг түр зогсолт хийлгэхгү байхаар хөдөлгөөнийг хязгаарласан аж.




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.