Спорт


Усан сэлэлтийн мастеруудын улсын аварга шалгаруулах тэмцээнд багийн дүнгээр тэргүүллээ

3 долоо хоног, 2 өдөр TIMES.MN

Сэлэнгэ аймагт зохион байгуулагдсан усан сэлэлтийн мастеруудын улсын аварга шалгаруулах тэмцээнд ОБЕГ-ын харьяа “Аврагч” биеийн тамир техник-спорт хорооны дасгалжуулагч, хошууч Н.Үербаатараар ахлуулсан баг тамирчид 9 алт, 1 мөнгө, 2 хүрэл медаль хүртэж, багийн дүнгээр тэмцээнийг тэргүүллээ.

Тодруулбал, Хойд бүсийн төв-Орхон аймгийн Онцгой байдлын газрын мэргэжилтэн, дэслэгч, спортын мастер Г.Уртнасан, НОБГ-ын  нийслэлийн Аврах 105-ын усчин аврагч, дэд ахлагч А.Мөнхтуяа нар  50 метр, мэлхий сэлэлт, араар болон өврөөр даллах сэлэлт, далайн гахайн сэлэлт гэсэн дөрвөн төрөлд тус бүрт аваргын алтан медаль хүртсэн юм.

Мөн ОБЕГ-ын Үндэсний аврах бригадын усчин аврагч, ахлах ахлагч Э.Амарбаяр  50 метрийн мэлхий сэлэлтийн төрөлд алт, араар даллах сэлэлтийн төрөлд мөнгө, 50 метрийн өврөөр даллах сэлэлт, далайн гахайн сэлэлтийн төрлүүдэд тус бүр хүрэл медалийн эзэн боллоо гэж ОБЕГ-ын харьяа “Аврагч” биеийн тамир техник-спорт хорооноос мэдээллээ.




Холбоотой мэдээлэл


Н.Анударь хүрэл медаль хүртжээ
Н.Анударь хүрэл медаль хүртжээ
1 долоо хоног, 2 өдөр

АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.