Нийгэм


БНСУ-д хууль бусаар оршин сууж байсан гадаадын иргэн хилээр гарах журамд орсон өөрчлөлт

2 сар TIMES.MN

БНСУ-ын Хууль зүйн яам 2019 оны 10 дугаар сарын 21-ний өдрөөс эхлэн тус улсад хууль бусаар оршин сууж байсан гадаадын иргэнийг нутаг буцаах журамд өөрчлөлт оруулжээ.

Шинэ журмын дагуу БНСУ-д оршин суух хугацааг хэтрүүлэн хууль бусаар оршин сууж байсан гадаадын иргэн харьяа орон нутгийнхаа Гадаадын иргэн харьяатын албанд ажлын 3-15 хоногийн өмнө өөрийн биеэр очиж ямар нэгэн зөрчил, гэмт хэрэгт холбогдсон эсэхийг шалгуулсны дараагаар хилээр гарах зөвшөөрөл авах болсон байна.

Энэ нь өнгөрсөн сард хууль бусаар оршин сууж байсан гадаадын иргэн бага ангийн сурагчийг автомашинаар мөргөсний дараагаар нутаг руугаа зугтсан эзэн холбогдогчгүй хэрэг гарсан, түүнчлэн сайн дураар нутаг буцаж буй иргэдийг нисэхээс нь хэдэн цагийн өмнө шалгах явцад нислэгээсээ хоцрох тохиолдол багагүй гарч байгаатай холбоотой ажээ.




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.