Эдийн засаг


"ОУВС-тай хамтарч Өргөтгөсөн санхүүжилтийн хөтөлбөрийг амжилттай хэрэгжүүлж байна

1 сар TIMES.MN

Монголбанкнаас Үйл ажиллагааны дунд хугацааны мөрийн хөтөлбөр болон цаг үеийн асуудлаар мэдээлэл хийлээ.

Үйл ажиллагааны дунд хугацааны мөрийн хөтөлбөрийн хүрээнд төв банк хууль эрхзүйн орчны шинэчлэл хийж, Үндэсний төлбөрийн системийн хуулийг хэрэгжүүлсэн байна. Хуулийн хүрээнд төлбөр тооцоог төв банк зохион байгуулдаг. Төв банкны тухай хуульд өөрчлөлт орсон. Мөн УИХ-д Валютын зохицуулалтын, Эрдэнэсийн сангийн, Активын тухай хуулийг өргөн бариад байна. Өнгөрсөн гурван жилийн хугацаанд 10 гаруй хуульд өөрчлөлт орлоо. Бүтэц зохион байгуулалтад өөрчлөлт хийж, судалгааны байгууллага, сургалт явуулж байгаа. Олон нийтэд санхүүгийн боловсролыг олгоход анхаарч байгаа аж.

"ОУВС-тай хамтарч Өргөтгөсөн санхүүжилтийн хөтөлбөрийг амжилттай хэрэгжүүлж байгаа. 2016 оны гуравдугаар улиралд эдийн засаг -1 хувьтай агшиж байсан бол 2019 оны гуравдугаар улиралд 7 хувийн өсөлттэй гарсан. Үүнийг бэхжүүлэх талаар олон улсын санхүүгийн байгууллагатай хамтарч ажиллаж байгаа" хэмээн Монгол банкны дэд Ерөнхийлөгч Б.Лхагвасүрэн мэдээлэв.




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.