Спорт


Үнэ цэнэтэй тоглогчийн шагналыг О.Дөлгөөний нэрэмжит болгожээ

2 долоо хоног, 2 өдөр TIMES.MN

Сагсан бөмбөгийн спортын мастер, шигшээ багийн тоглогч О.Дөлгөөн хүнд өвчний улмаас таалал төгссөн. Тэгвэл Монголын оюутны сагсан бөмбөгийн холбооноос МОСБХ Оюутны-Лигийн Финалын үнэ цэнэтэй тоглогчийн шагналыг О.Дөлгөөний нэрэмжит болгохоор шийдвэрлэжээ. Тус холбооноос гаргасан мэдэгдэлд “МОСБХ-ны Оюутны-Лигийн 2018-2019 улиралын Үнэ Цэнэтэй Тоглогч Очбадрахын Дөлгөөн маань хүнд өвчний улмаас хорвоог орхиж ойр дотно явсан ах дүү, хамаатан садан, найз нөхөд бидний хувьд хүндхэн өдрүүд үргэлжилж байна.

Түүний хүнлэг тусч зан чанар, тууштай хичээнгүй байдал, сагсан бөмбөгийн талбай дээрх уран гоёмсог, зоригтой, дайчин тоглолтыг үеийн үед дурсан санаж ирээдүйд төрөн гарах шинэ залуу шилдэг тамирчид “О.Дөлгөөний нэрэмжит” хэмээх шагналаар алдар нэрээ дуурсгаж амжилтын түүчээгээ эхлүүлээсэй хэмээн МОСБХ Оюутны-Лигийн Финалын Үнэ Цэнэтэй Тоглогчийн шагналыг О.Дөлгөөний нэрэмжит болгохоор шийдвэрлэснийг мэдэгдэж байна” гэжээ.




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.