Нийгэм


Байшин шатсаны улмаас зургаан хүн нас баржээ

4 долоо хоног TIMES.MN

Дархан-Уул аймгийн Дархан сумын Малчин багт байшин шатсанаас зургаан иргэн амь насаа алдсан харамсалтай хэрэг гарчээ. Нас барсан хүмүүс нь тус багийн харьяат иргэн Б /63 настай, эрэгтэй/, Х /63 настай, эмэгтэй/, Э / 3-6 насны дөрвөн хүүхэд байжээ.

Хэргийг тодруулбал, Дархан-Уул аймгийн онцгой байдлын газарт байшин, граж, автомашин, малын хашаа шатаж байна гэсэн дуудлага зургадугаар сарын 19-ний 02.50 цагт ирсэн бөгөөд аврах 22 дугаар ангийн 15 алба хаагч 3 автомашинтай 7 км зам туулан 03:00 цагт очиж, 8х5, 4х5 метрийн хэмжээтэй байшин, 2.5х5 метрийн хэмжээтэй граж, дугаартай “Портер” загварын автомашин, 4х4, 5х8 метрийн хэмжээтэй малын хашаа тус тус шатаж байсныг 4 цаг ажиллаж, нэмэлтээр тус аймгийн Онцгой байдлын газрын Гал түймэр унтраах, аврах 54 дүгээр ангийн 10 алба хаагч, 3 автомашинтай 03:15 цагт гарч 20 км зам туулан 03:47 цагт очиж 3 цаг 13 минут тус тус ажиллаж унтраажээ. Одоогоор гал гарсан шалтгааныг тогтоохоор ажиллаж байгаа юм байна.




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.