Энтертаймент


Чингис дэлхийг хөгжмөөр эзлэх байсан бол “The Hu”-г сонгох байсан

1 сар TIMES.MN

Нью-Йоркт төвтэй “GQ” сэтгүүл Монголын хүнд рок хамтлаг болох “The hu”-гийн аялан тоглолтын талаар мэдээлснийг хүргэж байна. Монголын үндэсний хөгжим, соёл, заншлыг бүтээлдээ нэвт шингээж, хөөмий болон хүнд рокыг хослуулсан “The Hu” хамтлаг дэлхий дахинд Монголоо сурталчлах соёлын гүүр нь болоод байна. Хамтлагийн ахлагч Галбадрахыг хүмүүс Галаа нэрээр нь сайн мэднэ. Тэрээр морин хуур тоглож, гоцлолоор дуулдаг байна. Уoutube-т “YuveYuve Yu” дуугаараа алдаршсан энэ хамтлагийнхан “The Gereg” хэмээх шинэ цомгийнхоо тоглолтыг Европт хийхээр төлөвлөжээ.

Хэрэв Чингис хаан Европыг хөгжмөөр эзлэхийг хүссэн бол агт морьд, баатар цэргүүд нь “The Hu” байх байсан биз ээ. Учир нь энэ бол зүгээр нэг залхуу хүргэм загвар хөөгчид биш харин Монголын түүхийг хөгжимд нэгтгэж чадсан хамтлаг юм. Өмнөд Европыг довтолгосон эртний монголчууд болох Хүннү гүрний нэрнээс энэ хамтлагийн нэр улбаатай аж. “Бид шинийг эрэлхийлэгчид. Бидний хөгжим бол хүннү рок буюу олон хөгжмийн элементийг өөртөө агуулсан. Бид энэ хөгжмийн энэ урсгалд анхдагчид нь. Гэхдээ бид сүүлийнх нь байхыг хүсэхгүй. Энэ урсгалыг цааш хөгжүүлэх монгол залуус олон байгаа гэдэгт бид итгэдэг” хэмээн Галаа хэлж байна. Галаа долоон настайгаасаа хойш хөгжмийн ертөнцөд хөл тавьсан бөгөөд удалгүй морин хуурт ихэд дурлах болжээ. Түүнчлэн тэрээр хөөмийлдөг. Хөөмий бол монгол үндэстний эртний урлаг бөгөөд төвөнхөөр дуулах ихэд өвөрмөц хөгжмийн урсгал юм. Тэдний “Гэрэг” хэмээх цомог нь дэлхийд анх дипломат харилцаа тогтоох үүдийг нээсэн гэж Гэрэгэ хэмээх пайзны нэрээс үүдэлтэй юм гэжээ.


                               


Ж.ЦОГЗОЛМАА

Эх сурвалж: “Зууны мэдээ” сонин




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.


Зочин    1 сар [202.9.43.34]


худлаа сүржигнэсэн хэдэн юм..тэр нөгөө юу вэ хачин юм бэ гэдэг дуу нь бүүр ч тэнэг..хямдхан үгтэй..


Зочин    1 сар []


za tegeed l chingis sonsoh bsan ene ter gej hudlaa soliorood ehleheer utgagui bolood yavchihdgiin. zugeer l bgagar n l bailga l da.