Газар дээрээс нь


С.Амарсайхан: Хятадын компанид 50 га газар олгосон гэдэг гүтгэлэг

2 сар TIMES.MN

Нийслэлийн Засаг дарга бөгөөд Улаанбаатар хотын Захирагч С.Амарсайхан цаг үеийн асуудлаар мэдээлэл хийлээ. 


"Хотын захирагчийн зүгээс авч хэрэгжүүлж буй ажлын талаар долоо хоног бүр танилцуулна"

 

Тэрбээр “Миний бие Улаанбаатар хотын захирагч бөгөөд хотын даргаар 2019 оны хоёрдугаар сарын 27-ны өдөр албан ёсоор хүлээж авсанаас хойш хийж хэрэгжүүлсэн ажил болон цаашид хийх ажлынхаа талаар мэдээлэл өгөх албан ёсны уулзалтаа өнөөдрөөс эхлүүлж байна. Цаашид хотын захирагчийн зүгээс авч хэрэгжүүлж буй арга хэмжээний талаар миний бие өөрөө болон бусад албаны хүмүүс долоо хоног бүр танилцуулж байх болсон.  Би өмнө нь НИТХ-ын даргаар ажилалж байсан. НИТХ бол бодлогын шийдвэр гаргаж, хяналт тавьж ажилладаг. Цаашид аль болох цаг алдалгүйгээр иргэд, төрийн захиргааны байгууллагуудтай хамтран ажиллана. 


Хятадын компанид С.Амарсайхан 50 га газар олгосон гэдэг гүтгэлэг


Өнөөдөр нийслэл замбараагүй, зах хязгааргүй байгаа нь үнэн. Тиймээс дотоод зохион байгуулалтдаа анхаарч ажиллахаар болсон. Маш олон ажил хийх шаардлага байдаг боловч зохион байгуулалт байхгүйгээс ажил эзэнгүйддэг. Хийж хэрэгжүүлж байгаа төсөл хөтөлбөрүүдэд нь ямар ч үр дүнгүй болж байна. Дээр нь ёс зүй гэдэг зүйл байхгүй болсон. Энэ асуудлыг цэгцэнд нь оруулж эхэлсэн.  Дотоод зохион байгуулалттаар дамжуулан мэдээлэл түгээхэд буруу талаас нь харагдуулах, буруу мэдээлэл өгөх явдал их гарах боллоо. Жишээ нь, олон нийтийн хэвлэл мэдээллийн хэрэгслээр тарж байгаа мэдээлэлтэй холбогдуулан байр сууриа илэрхийлэх шаардлагатай байна.  Сүүлийн өдрүүдэд олны анхаарал татаж байгаа асуудал бол хятадын компанид С.Амарсайхан 50 га газар олгосон гэсэн гүтгэлэг. Засгийн газрын тэргүүний захирамж гарч судалгаа тооцоо 2012 онд гарсан. Дараа нь Тяньжин хотын захиргаатай хүнсний ногоо тарих, хүлэмж барих ажлыг судлах шаардлагатай байна гэсэн бичиг ирүүлсэн.  Дараа нь миний зүгээс ЗГХЭГ-ын дарга Л.Оюун-Эрдэнийн нэр дээр хамтын ажиллагааг судлах Нийслэлийн өмчит менежмент компанийн нэрийг явуулсан. Үүнийг НИТХ-ын тэргүүлэгч С.Мөнхчулуун хятадуудад 50 га газар олгосон гэж гүтгэсэн. Өөрийнхөө хадам эхийн нэр дээрх ААН-д нийслэлийн өмчит байрыг хувьчилж өгөхөөр оруулж ирсэн. Миний бие НИТХ-ын даргаар ажиллаж байх даа энэ асуудлыг 2-3 удаа буцаасан. Цаана нь өөрийнх нь ажил амьдралтай олон асуудал байгаа юм билээ. 


Төв цэвэрлэх байгууламжийн засвар чанаргүй байснаас дөрвөн хүний амь эрсдсэн


Хоёрдугаарт, төв цэвэрлэх байгууламжид үйлдвэрлэлийн осол болж дөрвөн хүний амь эрсдсэн. Цаана нь нялх биетэй, жирэмсэн, өвчтэй хүмүүс үлдэж байгаа. Яг тэр осол болсон газар өмнө нь найман тэрбум төгрөгөөр засвар хийсэн. Засвар чанаргүй хийснээ нуухын тулд дээрх гүтгэлэгийг тарааж байна.  


Шүд, эрүү нүүрний төв гэж бий. Тэр төвд 1,000 м2 байрыг 4.8 тэрбум төгрөгөөр худалдаж авсан. Би энэ ажлыг өмнө нь буцааж байсан ч сая нээлттэй сонгон шалгаруулалт зохион байгуулж худалдаж авсан юм билээ. Төлбөрийнх нь 70 хувь орсон байгаа. Үлдсэн төлбөрийг би өгөхгүй гэж байгаа. Яагаад гэвэл тэр барилга нь гаднаа зогсоолгүй, шаардлага хангахгүй байгаа. Энэ мэт ажил хийж байгаа хүмүүс үүнийгээ хамгаалж элдэв гүтгэлэг тарааж байна. Түүнчлэн нийтийн тээврийн шинэчлэл зогсонги байна. 270 сая ам.долларын төсөл зогссон. Ингэж явсаар 270 сая ам.доллараас 3 саяыг нь үр ашиггүй зарцуулсан байна. 45 мянган үнэтэй тэмдэгийг 170 мянган төгрөгөөр шахдах хэдэн тэрбумаар нь үрсэн компани өнөөдөр зургаан тэрбум төгрөгийг өр үүсгээд хариуцсан дарга нь ажлаа хаяж гурван сар алга болоод байна.  Баянзүрх дүүрэгт үүссэн асуудлыг та бүхэн мэдэж байгаа. Тэр дүүргийн удирдага эрхээ хэрэгжүүлж чадахаа байсан. Нийтдээ 360 гаруй мянган иргэдээр сүүлийн гурван сар тоглож байна. Тэр хүмүүс өөрсдийн булхайг нуухын тулд олон хоног суулт зохион байгуулж байна.  3.8 тэрбум төгрөгөөр газар чөлөөлөх нэрээр газар худалдаж авсан. Тэр газрыг нь очоод үзэхээр үерийн далан дээр, ямар ч шаардлага хангахгүй газар байдаг. 200 сая төгрөгийн үнэтэй газрыг 500 саяар авсан байх жишээтэй. Энэ асуудлыг шалгаж байгаа. 


Энэ мэт хууль бус үйлдлүүдийг нь илрүүлж, цааш нь шалгах гэхээр асуудлыг ил гаргахгүй байхын тулд наашаа чиглэсэн бүх төрлийн арга хэмжээг авч байна. Аалзны тор шиг 20 жил хотыг хэрсэн сүлжээ задрах гээд байгаа учраас янз бүийн дайралт хийж байгаа. Тиймээс хийсэн ажлынхаа талаар долоо хоног бүр өөрийн биеэр мэдээлэл хийж байна. Хотын даргын явуулын оффис ажиллуулна. Мөн иргэдээс мэдээлэл авах утас ажиллуулах болно" гэв. 




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.


Зочин    1 сар, 3 долоо хоног [202.9.42.8]


Амарсайханы шунал ханахгүй ээь Налайхын газрыг ч хятадуудад зарж байгаа


Зочин    1 сар, 4 долоо хоног [183.177.101.106]


НИЙСЛЭЛ ДҮҮРГҮҮДИЙН ДАРГА НАРЫГ ШАЛГААЧЭЭ АРАЙ ДЭНДЭЖ БАЙНА.ЯДАРСАН ГАЛ СӨНӨӨГЧДИЙН ЦАЛИНД ГАР ДҮРЭЭД БАЙХИЙМ ДАА САНХҮҮГИЙН ШАЛГАЛТ ОРУУЛААЧЭЭ.ДАРГА НАРЫН ТАНСАГЛАЛ ДЭНДЭЖ БАЙНА


Зочин    2 сар [66.181.178.67]


Зайсан толгой өмнө нь нуль баас, шээс дүүрсэн газар байсан. Одоо хичнээн цэвэрхэн сайхан болсон билээ. Өөрсдөө юу ч хийдэггүй малнууд хүнийг шүүмжлэхдээ сайн.


Зочин    2 сар []


Албан. тушаалыг. луйвардагч. ичихээ. Яаанаа. Зайсан. толгойг. ямар. болгосноо. хардаа


Зочин    2 сар [66.181.178.67]


Одоо наад Мөнхчулуун гэгч албан тушаалын амтанд орсон махан толгойгоо 60 тэрбумын Сундуйтай нь хамт НИТХ-аас хөөхгүй бол өгөр толгой Бат-Үүлтэй бүлэглэн ар нуруу руу чинь жад зооно шүү.