Н.Эрхэмбаяр Дэлхийн аварга боллоо

3 долоо хоног, 6 өдөр TIMES.MN

ОХУ-ын Владимир хотноо сонсголын бэрхшээлтэй иргэдийн буюу дифлимпийн бөхийн төрлүүдийн ДАШТ энэ сарын 12-18-нд болж, манай залуу тамирчин Н.Эрхэмбаяр дэлхийн аваргын алтан медаль хүртлээ.

Сүүлийн өдөр буюу даваа гарагт чөлөөт бөхийн залуучуудын 61 кг-д “Самсун-2017” дифлимпийн наадмын мөнгөн медальт, 2016 оны өсвөр үеийн дэлхийн аварга, Өвөрхангай аймгийн "Их Монголын хүчтэн" дэвжээний тамирчин Н.Эрхэмбаяр дөрвөн барилдаан хийж бүх өрсөлдөгчөө оноогоор цэвэр ялж Дэлхийн аварга боллоо.

Өмнөх өдөр нь насанд хүрэгчдийн ангилалд хүрэл медалийн төлөөх барилдаанд ялагдсан байна. Харин энэ удаа хэсгийн барилдаанд Болгарын Дилиан Димитров, Туркийн Махирсан Юурт, хагас шигшээд Казахстаны Йершат Жанабил, алтан медалийн төлөөх барилдаанд ОХУ-ын Магомед Магомедов нарыг тус бүр оноогоор цэвэр ялжээ.

Ийнхүү 19 настай Н.Эрхэмбаяр дифлимпийн ДАШТ-ээс өсвөр үе, залуучуудын ангилалд түрүүлж буй амжилтаараа Монголын чөлөөт бөхийн түүхэнд нэгэн шинэ хуудсыг нээлээ.



Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.


Зочин    2 долоо хоног, 6 өдөр []


mash ih bayarlalaa. bayar hyrgej ulam ih amjilt hysie


Зочин    3 долоо хоног, 3 өдөр [112.72.14.49]


yasan mundag huu ve ulam ulam ih amjilt husyi


ЗочинХ.Т    3 долоо хоног, 5 өдөр []


Мундаг хүүдээ баяр хүргэе.