Нийгэм


Хар тамхины томоохон сүлжээг илрүүлэхэд олны танил эрхэмүүд ч баригджээ

4 жил, 7 сар TIMES.MN


Сүүлийн жилүүдэд хар тамхины гэх хэрэг байн байн гарч шүүхээр таслуулдаг болсон. Үүнд гол төлөв урлаг соёлын төдийгүй чинээлэг айлын хүүхэд, залуус татагдаж байгаа нь нууц биш. Цагдаа, хууль хяналтынхан хар тамхитай тэмцэж байгаа ч сүүлдээ энэ төрлийн хэрэг бүлэглэлийн шинжтэй болжээ. Хамгийн сүүлд хар тамхи биедээ авч явсан, хэрэглэсэн, худалдан борлуулсан хэрэг 10 гаруй удаагийн үйлдэлд 20 гаруй хүнийг баривчлан саатуулж шалгаж байгаа юм байна. Мөн энэ хэрэгт Монголд амьдардаг гадаадын иргэн ч холбоотой  байгаа гэх. Тэд каннабисыг боловсруулдаг багахан хэмжээний үйлдвэрлэл явуулж байсан бололтой байна.

Өмнө нь хар тамхи худалдан борлуулагч, хэрэглэсэн хүмүүсийг илрүүлэн баривчилдаг байсан бол энэ удаа захиалагч, борлуулагч, хэрэглэгч, үйлдвэрлэгчдийг илрүүлсэн байна. Тэгэхээр манай улсад хар тамхины  хар бизнес ямар их хүчээ авсны жишээ болж байна.


Баривчлагдан шалгагдаж байгаа хүмүүсийн дунд мөн л олны танил, хөрөнгө чинээтэй эрхэмүүдийн хүүхүүд байгаа аж. Тухайлбал, Хархорин захын эзэн Лхагвадоржийн хүү Цэгцбаатар байгаа гэнэ. Нэг хэсэг хэвлэлийн бай болж дуулианы эзнээр тодорч явсан тэрээр дахин асуудалд оржээ. Монгол топ модель Д.Пүрэвсүрэнтэй үерхэж байгаад хардалтын улмаас зодож дуулиан тарьж байсан нэгэн. Тэрээр монголын урлаг соёлын хэд хэдэн бүсгүйтэй  нэр холбогдож явсан билээ.




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.